Këto punime janë rezultatet e para nga njohuritë e përfituara prej trajnimeve.
Pas një pune të suksesshme që u bë vitin e kaluar, tani po mbahet raundi i dytë i trajnimeve për programet “Autocad” dhe “CNC” me maturantët e shkollës “Zenel Hajdini”, transmeton KTV.
Nxënësit e Departamentit të drurit, pas trajnimeve teorike, janë të gatshëm t’i aplikojnë në punë praktike mësimet e deritashme.
Profesori Muharrem Sjediu e cilëson të rëndësishëm dhe efektiv këtë trajnim.
Kapaciteti i nxënësve është gjithnjë në ngritje dhe pas përfundimit të trajnimit me 70 orë teori dhe praktikë, ata do të jenë të gatshëm për tregun e punës.
Të rinjtë ferizajas thonë se njohuritë e marra gjatë këtyre trajnimeve janë të dobishme për të ardhmen.
Ky aktivitet është pjesë e programit “Brick”, themeluar dhe implementuar nga organizata CDF.
