Kuvendi i klubit futbollistik “Ferizaj”, në takimin e sotëm ka marrë vendim për shuarjen e klubit me status të OJQ-së.
Ky vendim i shuarjes së statusit të OJQ-së hapë mundësinë që klubi të shndërrohet në klub privat apo shoqëri aksionare.
Këtë e ka bërë të ditur kryetari i klubit Mustafë Grainca.
“Sot datë 24.06.2019, Kuvendi i klubit futbollistik “Ferizaj”, vendosi në mënyrë unanime pa asnjë votë kundërt, shuarjen e klubit me status OJQ- je, duke hapur mundësinë e shëndrrimit në klub privat. Urime futbolldashës ferizajas!” ka shkruar Grainca.
Sipas Graincës , objekivat e klubit nuk mund të arrihiheshin me organizimin ekzistues, dhe se në klubin deri më tani e kishin përcjellë probleme financiare
Krahas këtij riorgainizimi bëhet e ditur se ka interesim për të qenë pjesë e klubit.Mirëpo sipas kryetarit Grainca, ky ritëm duhet shpejtuar ngase tashmë ka nisë edhe faza e përforcimeve
Klubi me statusin e ri do të jetë trashëgues i të gjitha aseteve të
klubit , përfshirë edhe shfrytëzimin e stadiumit
Ndryshe, kjo nismë vije në kohën kur futbolli në Kosovë ka
marrë hov të lartë të zhvillimit.Sukseset e kombëtares veç sa e kanë shtuar
inetersimin për sport e në veçanti për futboll ngase sporti po konsiderohet si
reprezentuesi më i mirë i shtetit.
