Telegram ngushëllimi nga Kryetari i Ferizajt, Agim Aliu për vdekjen e atdhetarit ferizajas, Sadik Bala
Me pikëllim të thellë mora lajmin se është ndarë përgjithmonë nga kjo botë, veprimtari i dalluar, atdhetari dhe patrioti ikonë, ferizajasi Sadik Bala.
Në këto momente të dhembjes e pikëllimit për familjen, miqtë e dashamirët, përkujtimi për veprën e atdhetarit Sadik Bala është ngushëllimi më i mirë, të cilën gjeneratat pasardhëse do ta lartësojnë edhe më shumë.
Familje Bala, ngushëllime të sinqerta në emër të qytetarëve ferizajas dhe institucionit që drejtoj, Komunës së Ferizajt.
I qoftë i lehtë dheu i Kosovës!
