Ferizaj.13.11.2018. Paraditen e sotme, me kërkesën e këshilltarëve komunal nga radhët e opozitës ka nisur seanca e jashtëzakonshme e Kuvendit të Komunës, e ftuar për të diskutuar lidhur me projektin “Bashkimi i Qytetit”. Ky projekt që ka kaluar të gjitha filtrat institucional dhe është i garantuar edhe me kodin buxhetor përkatës nuk mundi të diskutohet për shkak të mungesës së kuorumit për të mbajtur këtë seancë, rrjedhimisht Kryesuesja e Kuvendit të Komunës, Kristina Gashi Bytyçi me të konstatuar mungesën e kuorumit e deklaroi të mbyllur këtë seancë.
Përkitazi me këtë, ekzekutivi komunal përmes Drejtorit të Drejtorisë së Urbanizmit dhe Mjedisit, Lulzim Aliu ka dhënë qëndrimin e institucionit në lidhje me këtë seancë të jashtëzakonshme, e para për këtë vit, e ftuar nga këshilltarët komunal nga opozita.
Deklaratën e plotë të konferencës për media të drejtorit të Urbanizmit dhe Mjedisit, Lulzim Aliu e gjeni në videon e bashkëngjitur.
