Vetëm pak kohë më parë u publikua lajmi se modelja shqiptare Ilda Kroni ishte në një lidhje me aktorin e famshëm të serialit “Sarasvatiçandra” Ashish Kapoor dhe duket se gjërat për çiftin mund të kenë përparuar më shpejt nga ç’mendonim.
“Bollywood Life” shkruan se dyshja mund të jetë fejuar dhe një gjë e tillë është lënë të kuptohet nga një foto e tyre në rrjetet sociale. “Kape dorën time dhe le të ecim së bashku në këtë udhëtim të quajtur jetë!”-ka shkruar aktori në përshkrimin e fotos ku ai shihet në bregdet së bashku em bukuroshen shqiptare dhe kaq ka mjaftuar që ndjekësit e tij të shumtë të kuptojnë se dyshja është fejuar.
Megjithatë, duket se një gjë e tillë nuk ka ndodhur. Siç ka thënë Kapoor për mediat indiane, këto janë vetëm thashetheme dhe ata të dy po vijojnë të shijojnë të qenit në një lidhje./Xing.al/
