Të enjten është mbajtur mbledhja e rregullt e komitetit për politikë e financa.
Kryesuesi i Kuvendit të Komunës së Ferizajt, Faruk Guri, ka mbledhur anëtaret e KPF-së dhe drejtorët e drejtorive për të diskutuar lidhur e pikat e rendit të ditës që janë përgatitur për mbledhjen e radhës së Kuvendit të Komunës.
Në këtë mbledhje është diskutuar për propozim – vendim për shkëputjen e kontratës për N.N.P. “Gashi” Gëzim Gashi, me ç’rast u more vendim që kjo pikë e rendit të ditës të diskutohet në mbledhjen e KK-së.
Po ashtu u more vendim që në mbledhjen e radhës së KK-së të diskutohen edhe për disa rishqyrtime të vendimeve, por edhe për propozimin për marrjen e vendimit për rikategorizimin e Bifurkacionit të lumit Nerodime në kategorinë “Monumenti Natyrës”.
U diskutua edhe për dy propozim-vendime që të ndërrimit destinimi, nga tokë bujqësore të shndërrohet në tokë ndërtimore, me ç’rast u morë vendim që edhe këto pika të rendit të ditës të kalojnë dhe të diskutohen në mbledhjen e nesërme të Kuvendit të Komunës.
Në këtë mbledhje janë diskutuar edhe shumë pika të tjera të rendit të ditës, të cilat me shumicë vota, u morë vendim që të gjitha të diskutohen në mbledhjen e nesërme të Kuvendit të Komunës.
Mbledhja e Kuvendit të Komunës, do të mbahet nesër duke filluar nga ora 10:00.
