Deputeti i Kuvendit të Kosovës nga radhët e Lidhjes Demokratike të Kosovës, Adem Salihaj, në emisionin Kontakt në Tribuna Channel, ka komentuar shtyrjen e Demarkacionit për në Kuvendin e Kosovës. Sipas tij, ratifikimi i marrëveshjes së kufirit me Malin e Zi, nuk mund të bëhet për shkak të votave të pamjaftueshme.
“Unë mendoj se kryeministri Mustafa po bën veprime të arsyeshme që nuk po e sjellë në Kuvend sepse ta sjellësh në Kuvend kur teknikisht shqiptarët nuk i kanë numrat e mjaftueshëm edhe po ta votojnë gjithë pa përjashtim shqiptarët e pozitës. Në çdo aspekt nuk është numër i mjaftueshëm për mbajtjen e seancës plenare për ta votuar edhe po ta votojnë të gjithë. Por tashmë është fakt se një numër i deputetëve edhe të PDK dhe LDK e kanë kundërshtuar dhe nuk ka asnjë mundësi reale që të kalojë demarkacioni”, tha Salihaj në Kontakt.
Salihaj shtoi se me iniciativën e disa deputetëve të LDK-së, për ndryshimin e nenit të marrëveshjes së Demarkacionit mund të arrihet një konsensus dhe të mos ketë krizë politike në vend.
Për më shumë ndiqeni VIDEON:
