Shkolla fillore “Muharrem Shemsedini” në Fshatin e Vjetër shënoi ditën e saj. Të pranishëm në këtë manifestim ishin zyrtarë komunal, drejtues të shkollave, prindër dhe arsimtarë.
Të pranishmit në këtë manifestim i ka përshëndetur, drejtori i kësaj shkolle Rrahim Sadiku. Ai mysafirët i ka njoftuar me aktivitetet e kësaj shkolle, por edhe më problemeve dhe vështirësitë me të cilat përballen.
Në emër të kryetarit të Ferizajt, Muharrem Svarqa, të pranishmit i ka përshëndetur drejtori i urbanizmit, Faik Grainca. Ai ka thënë se kjo shkollë ka një traditë të gjatë e të begatshme arsimimi dhe edukimi, si njëra ndër vatrat me kontribut të çmuar, dhënë brezave të mëparshëm dhe të tashëm.
Për të pranishmit u shfaq edhe një program i pasur kulturo artistik, ndërkaq u ndan mirënjohje për mësimdhënësit e dalluar.
