Me këtë rast, kryetari Haziri ka thënë se ky është një përvjetor i dhimbjes, por edhe krenarisë, ndërkaq ka kërkuar zbardhjen e kësaj masakre makabre në mënyrë që eshtrat e tyre pushojnë të qetë.
“Shtatë martirët e Llovcës dhe mijëra të tjerë, u sakrifikuan për lirinë, pavarësinë dhe të drejtat e shqiptarëve”.
“Ky është një përvjetor i dhimbjes, por në të njejtën kohë edhe i krenarisë sepse falë tyre ne po e gëzojmë këtë ditë të bardhë. Kaluan 18 vite dhe akoma kjo masakër makabre mbetet e pazbardhur. Kërkoj nga organet e drejtësisë që ta zbardhin sa më parë dhe autorët ta marrin denimin meritor. Në këtë mënyrë, eshtrat e tyre do të pushojnë të qetë”.
Ai theksuar se Komuna e Gjilanit po i përkujton edhe masakrat tjera të Gjilanit, siç është ajo e Llashticës, Zhegrës, Lladovës e vendbanimeve tjera, ku qytetarët e pafajshëm e kanë paguar në mënyrën më të ashpër dhe me sakrificën më të madhe sublime lirinë e Kosovës.
18 vite më parë, në fshatin Llovcë të Gjilanit u masakruan në mënyrën më barbare shtatë persona: Rahim Ymeri, Xhemail Halimi, Xhevrije Zeqiri, Nexhmije Azemi, Sami Xhelili dhe Avdi Rexhepi.
