Qendrës së kujdesit ditor “PEMA” në Ferizaj, e cila merret me trajtimin e personave me ç’rregullime fizike dhe psikike, sot i’u shtua edhe këndi i lodrave, falë iniciativës së vullnetares Vanesa Sadriu dhe klubit Rin’On në Ferizaj.
Sadriu tha bashkë me anëtarët e klubit Rin’On, për vetëm 4 ditë kanë grumbulluar një numër të konsiderueshëm të lodrave.
Në qendrën ditore ‘’Pema’’, e mirëpritën një iniciativë të tillë, duke thënë se këndi i lojrave ka qenë nevojë e kahmotshme e kësaj qendre.
Edhe prindërit u shprehen të kënaqur për krijimin e këtij këndi.
Ndërsa, zyrtari i shëndetësisë dhe mirëqenies sociale në Ferizaj, Ibush Bakolli, tha se vullneti për ta ndihmuar këtë kategori nuk ka munguar asnjëherë mirëpo buxheti i kufizuar që posedojnë është ai që ua pamundëson një përkrahje të tillë, transmeton Televizioni Tema.
Numri i fëmijëve që marrin shërbime brenda muajit në këtë qendër është afër 100.
