Në 18-vjetorin e rënies heroike të dëshmorëve të komunës së Shtimes: Ramadan Elshani, Fadil Rashiti, Kadri Ademaj, Xheladin Xheladini, Arben Hyseni, Hafir Bajrami, Afrim Musliutë dhe Selim Selimi, sot më 14 dhjetor, në Polac, u vendosën lule dhe kurora nga strukturat udhëheqëse të komunës, në krye me nënkryetarin Fatmir Rashiti.
Në homazhe dhe vendosje të kurorave dhe luleve morën pjesë familjarët e dëshmorëve, Organizatat e dala nga Lufta e UÇK-së dhe bashkëluftëtarë të dëshmorëve.
Dëshmorët e rënë të komunës, më 14 dhjetor të vitit 1998, në vendin e quajtur “Likenet e Hasit”, në krye me komandantin, Mujë Krasniqi, kishin rënë në pritë të forcave policore dhe ushtarake serbe derisa po bartnin armatim nga Shqipëria.
Më 21 dhjetor të vitit 1998, trupat e 35 dëshmorëve, bashkë me komandantin Mujë Krasniqi, bashkëluftëtarët i varrosin në Polac të Drenicës, me nderime ushtarake, ku edhe tani pushojnë.
