Njësiti rajonal i komunikacionit rrugor në Ferizaj, nga data 15.11.2016 e deri më sot , ka zhvilluar një operacion të bazuar në planin operativ “Kontrolla teknike e jashtëzakonshme 2016”.
Qëllimi i këtij plani operativ ka qenë kontrollimi i gjendjes teknike të automjeteve të cilat qarkullojnë nëpër rrugët të cilat i mbulon ky njësit.
Gjatë operacionit ,zyrtarët policor kanë kontrolluar një numër të konsiderueshëm të automjeteve të ndryshme ,ku nga 72 automjete të dërguara për kontrollë teknike , vetëm 2 nga to kanë qenë në rregull teknikisht, ndërsa ndaj vozitësve të 70 automjeteve të kontrolluara janë shqiptuar tiketa për gjendje teknike jo të rregullt.
Nga numri i përgjithshëm (70) kanë qenë:
-58 mjete të rënda transportuese
-12 automjete të udhëtarëve
Apelojmë tek ngasësit që të kujdesen për gjendjen teknike të automjeteve të tyre me qëllim të ruajtjes së jetës së tyre dhe pjesëmarrësve tjerë në komunikacion.
