Drejtoria për Pronë, Gjeodezi dhe Kadastër gjatë këtyre muajve është bërë edhe me një mini arkivë e cila do t’i shërbej kësaj Drejtori.
Sipas drejtorit Fatmir Azizit, kjo arkivë do t’ju hy në punë sepse është njëri ndër elementet më kryesore të punës që po bënë drejtoria e Pronës, Gjeodezisë dhe Kadastrit.
“Kohëve të fundit më shumë jemi marr me arkivën e kësaj drejtorie pasi që dihet se dokumentet zyrtare janë shumë të vlefshme dhe të rëndësisë së veçantë, ne së bashku jemi munduar që të bëjmë një mini arkivë për ruajtjen e dokumentacionit”, ka thënë Azizi.
Por probleme me vete në këtë drejtori është buxheti i pamjaftueshëm për shpronësimet e pronave. U tha se ky buxhet është vetëm 300 mije euro.
“Kryetari i Komunës ka bërë edhe një kërkesë zyrtare në Qeverinë e Republikës së Kosovës, për rritjen e këtij buxhetit të shpronësimeve, sepse kemi të bëjmë me shumë shpronësime pasiqë jemi duke realizuar edhe shumë projekte të rëndësisë se veçante”, ka thënë drejtori Azizi.
U bë e ditur se gjatë këtij nëntë mujori në Drejtorinë e Pronës, Gjeodezisë dhe Kadastrit, kanë arritur edhe shumë kërkesa. Vetëm në sektorin e gjeodezisë kanë arritur mbi 9 mijë lëndë të natyrave të ndryshme, në sektorin e pronës rreth 300 kërkesa dhe në sektorin e kadastrit mbi 15 lëndë.
