Sipas një letër drejt Kongresit, drejtori i Byrosë Federale, James Comey, ka thënë se kjo agjenci i ka dhënë fund hetimeve dhe nuk ka ndryshuar asgjë në qëndrimin e saj.
Gjatë korrikut, ai kishte thënë se zonja Clintoni ishte treguar e pakujdesshme, por nuk kishte bërë asnjë krim me materialet sensitive në e-mailin e saj privat sa ishte sekretare e shtetit.
Këto hetime tronditen garën e Shtëpisë së Bardhë dhe i rifreskuan fushatën e kandidatit republikan Donald Trump, transmeton lajmi.net.
Çështja ishte ngritur përsëri kur u gjetën “prova” të reja në e-mail.
“Duke u bazuar në hulumtimet tona, nuk kemi ndryshuar asgjë në konkluzionet që kemi shprehur në korrik”, ka thënë Comey në letrën dërguar Kongresit.
SHBA-ja voton të martën më 8 nëntor për presidentin e ri. /Lajmi.net/
.
