Në një konferencë për media Agim Berisha nga Departamenti për Arsim në kuadër të PDK-së në Ferizaj ka akuzur Drejtorinë e Arsimit të Ferizajt se po bënë regjistrim të nxënësve pa kritere në shkollat e mesme të Ferizajt.
“Ishte parapar mirë e mbarë në letër,për mësysh.Mirëpo nuk kaloi shumë kohë dhe gjithçka nisi të përmbysej.Pra me fillimin e vitit mësimir filluan manipulimet, shkeljet e konkursit nga vetë ata që e kishin shpalluar” tha Agim Berisha.
“Në shkollën “Faik Konica “ nga 16 paralele sa ishin paraparë i shtojnë edhe 2 të reja, në shkollën e mjeksisë “Elena Gjika” nga 4 paralele shtohet edhe një paralele e re dhe në gjimnazin “Kuvendi i Arbërit” shtohet edhe një paralele. Por sikur të mos mjaftonte kjo, është bërë edhe rritja e numrit të nxënësve nëpër paralele nga 32 deri në 42 e më tepër” ka thënë Berisha.
Berisha ka ngritur edhe shqetësimin për gjimnazin “Dr.Shaban Hashani” ku tha se në klasat e 10-ta numri i nxënësve ka kaluar numrin 50-të.
“Kjo rritje e numrit të nxënësve është bërë pa kritere, kriter ka qenë se kush ësht më i “fortë” brenda subjektit partiak dhe ai që bënë pazar me vota sepse edhe pak ditë na ndajnë nga viti i zgjedhjeve lokale” tha Berisha.
Sipas Berishës ky regjistrim pa kritere po rrezikon edhe mbylljen e shkollës së agrobiznesit “Zenel Hajdini” e cila nga 364 nxënës sa ishte parapar të regjistroi këtë vit janë regjistruar më pak se 40% e tyre. Berisha tha se tani as kryetari Svarqa nuk mund t bëjë asgjë në kët drejtim pasi edhe ai është bërë pjesë e e këtyre dështimeve duke i ngatërruar kompetencat e veta institucionale.
“Pra në hall nxënësit, në hall edhe mësimdhënësit, kurdo dhe kush do mund të hyjë në klasë nga rruga. Prandaj me të drejt qytetarët pyesin se a ka kush i del në ndihmë arsimit ferizajas” tha Agim Berisha.
