Ferizaj.21.10.2016. Me qëllim të shënimit të muajit të ndërgjegjësimit rreth kancerit, Dr. Xheladin Reçica, anëtarë i klubit Rotary në Ferizaj, në organizim të këtij klubi, mbajti një ligjëratë rreth Kancerit të Gjirit.
Ligjërata u mbajt para një audience të përbërë nga anëtarët e klubit Rotary Ferizaj dhe para të interesuarve të tjerë që kanë ardhur për të ndjekur këtë prezantim.
Në këtë prezantim u paraqitën statistikat në nivel botëror të përhapjes së kancerit të gjirit në botë si dhe në vendin tonë. Përveç këtyre të dhënave ndër të tjera u diskutua për shkaktarët e kësaj sëmundje dhe mënyrat e trajtimit të kësaj sëmundje.
Një theks i veçantë i’u kushtua vetëdijesimit rreth mënyrave të kujdesit për të parandaluar këtë sëmundje, masat të cilat duhet të ndërmerren për të evituar dhe detektuar me kohë këtë sëmundje. Kujdesi i bërë me kohë rritë gjasat në 98 % të evitimit të kësaj sëmundje, tha me këtë rast Dr.Reçica
Klubi Rotary Ferizaj do të vazhdoj edhe në të ardhmen me ligjërata rreth temave aktuale që kanë ndikim në shoqërinë dhe komunitetin tonë.
