29,08,2025

Shkolla “Gjon Serreçi” bëhet me karrigë stomatologjike

Must Read

Nxënësit e shkollës fillore “Gjon Serreçi” në Ferizaj, tash e tutje stomatologun e tyre do ta kenë në objektin e tyre shkollore.

Në shkollën fillore “Gjon Serreçi” në Ferizaj u inaugurua ordinanca stomatologjike. Drejtues komunalë dhe ata të institucioneve të shëndetësisë thonë se studimet e realizuara kanë treguar afër 90 % e fëmijëve të kësaj shkolle kishin diku nga 2 dhëmbë të prishur. Kjo sipas tyre ka përshpejtuar edhe realizimin e këtij projekti.

“Unë e përgëzojë drejtorinë e shëndetësisë, por edhe drejtoreshën e QKMF-së për masat që kanë marr për fillimin e mbrojtjes së shëndetit nëpër shkolla. Karriga stomatologjike do të kenë edhe shkolla të tjera që merren me këtë problem ” ka thënë kryetari Svarqa.

Nga ana tjetër drejtoresha e Qendrës Kryesore të Mjekësisë Familjare Ibadete Bucaliu, thotë nevoja për këtë karrige stomatologjike ka qenë shumë e nevojshme për këtë shkolle.
Edhe drejtori i shkollës, Milazim Dërguti e mirëpriti hapjen e kësaj ordinance në objektin e shkollës. Tha se me të vërtetë ishte një nevojë.

E, mysafir nderi në këtë përurim të ordinancës ishte Ernst Schütz, nga Gjimnazi “Robert Kohn” i Degendorfit të Bajernit, i cili përmes ndërmjetësimit me organizatën Gizi gjerman ka evidentuar disa nevoja të kësaj shkolle. Ai zotohet se në fillim të vitit 2017 do të sjellë kontigjent pajisjesh e bashkë me to edhe nxënës të atjeshëm për të shkëmbyer përvoja.

“Ne do të sjellim inventar shkollor dhe transportin do ta kryejmë bashkë me nxënës, kjo do të shënojë fillimin e bashkëpunimit. Mendojmë që një top i borës fillon nga i vogli dhe bëhet më pastaj u madh, në këtë mënyrë synojmë edhe thellimin e bashkëpunimit”.
Iniciativën e përfaqësuesit gjerman e mirëpriti edhe kryetari i Ferizajt, Svarqa.

Për më tepër mjeku që do të punojë në këtë ordinancë stomatologjike në shkollën “Gjon Serreçi” do të angazhohet 40 orë në javë.

14509379_10208778568279873_1868235853_n 14543408_10208778566399826_1428356513_n 14509125_10208778574720034_501177012_n 14528347_10208778565559805_247806392_n

- Advertisement -spot_img
Të fundit

Policia në Ferizaj gjobit me 40 euro shoferin që voziti me derën hapur

Policia në Ferizaj ka njoftuar se kanë identifikuar një shofer që kishte vozitur me derën hapur te ana e...

More Articles Like This

- Advertisement -spot_img