Kreu i kësaj partie, Kadri Veseli ka thënë se kjo parti që shumë kohë ka pasur nevojë për themelimin e këtij Instituti.
Instituti do të ketë dy udhëheqës, ata janë Anila Statovci dhe Ramadan Ilazi.
Veseli ka thënë se Instituti u jep mundësi ekspertëve që të japin mendimet e veta dhe këto do të kenë rëndësi të madhe në politikë bërjen e PDK-së.
Ndërsa Statovci ka thënë se kjo është shumë e rëndësishme, ngase sipas saj, do të krijohet struktura formale për qeverisje.
“Kjo do të ndikojë drejtpërsëdrejti në vendimmarrjet e Kosovës”, tha ajo.
E Ramadan Ilazi ka thënë se ky institut reflekton vetëdijen e PDK-së si parti që ka përgjegjësi shtetërore në vend dhe do të reflektojnë edhe qëndrimet e ekspertëve hulumtues.
“Instituti qëndrimet e veta do t’i bazojë në analiza dhe jo qëndrime Ad Hoc”, tha ai.
Ata kanë njoftuar se tryeza e parë e punës së Institut fillon qysh nesër./ Lajmi.net
