Të enjten numri një i qytetit të Ferizajt, Muharrem Svarqa, ka pritur në një takim drejtorin e hekurudhave të Kosovës Agron Thaqin.
Gjatë takimi kryetari i Komunës Muharrem Svarqa dhe drejtori i hekurudhave të Kosovës, Agron Thaqi u dakorduan që të gjitha kontestet që kanë rreth pronave të hekurudhave të Kosovës, të zgjidhen në mënyrë institucionale konform ligjit për hekurudhat e Kosovës, i cili është në fuqi, dhe konform të gjitha ligjeve të Republikës së Kosovës që e rregullojnë këtë fushë.
U tha se e gjithë kjo bëhet në mënyrë që projektet infrastrukturore, por edhe investimet tjera të mundshme të mos pësojnë për shkak të kontesteve të trashëguara si rezultat i një marrëveshje të hershme me hekurudhat e Kosovës, të cilat më vonë janë kontestuar për shkak të regjistrimit të pronës së hekurudhave të Kosovës në bazë të një vendimi administrativ për shpronësim i cili është aprovuar që në vitin 1974 nga Kuvendi i Kosovës.
