Breshëri që ka rënë gjatë pasditës së djeshme në territorin e Komunës së Skenderajt ka shkatuar dëme të konsiderueshme në disa fshatra. Sipas verësimeve fillestare dëmet janë të mëdha sidomos në bujqësi duke përfshirë; sipërfaqet e mbjella me misër, me pemë dhe perime, me qepë dhe në serra. Por ende nuk dihet saktësisht vlera e dëmeve të shkatuar.
Komuna e Skenderajt tashmë ka formuar Komisionin përkatës për vlerësimin e dëmeve i cili do të mbedh të dhëna të sakta në lidhje me dëmët e shkaktuara. Ndërkohë edhe fermerët kanë filluar që në mëngjesin e ditës së sotme të raportojnë për dëmet e shkaktuar në pronat e tyre bujqësore.
Komuna e Skenderajt, pas mbledhjes së të dhënave për dëmet e shkaktuar nga breshëri , do të bëjë raporin e vlerësimit të dëmeve, raport ky që do t’i drejtohet Ministrisë së Bujqësisë, bashkë me kërkesën për kompenzimin të dëmeve.
Fshatrat më të prekura nga reshjet e breshërit janë: Polaci, Prekazi, Prelloci, Kozhica, Çirezi, Krysheci, një pjesë e qytetit të Skenderajt, e të tjera.
Breshëri që ka rënë dje në Skenderaj ka qenë shkatërrues për shkak të sasi së madhe, kohëzgjatjes së rënies dhe për shkak të madhësisë së tij./Lajm
