Infermierja e SHSKUK-së, Emine Rama, para gjykatës ka pranuar fajësinë për vjedhjen sistematike të albuminave.
Ajo është shpallur fajtore për veprën shpërdorim të detyrës zyrtare, shkruan sot Koha Ditore.
Rama do të obligohet që të ia kthejë 27 mijë euro Ministrisë së Shëndetësisë sa vlerësohet dëmi nga vjedhja e këtij preparati, ndërsa është dënuar me pesë muaj burgim me kusht.
Edhe pse vepra e vjedhjes është vërtetuar nga gjykata, ajo do të vazhdojë të punojë në kuadër të ShSKUK-së.
