Ferizaj- Një punëtor 25 vjeçar nga Ferizaj ka humbur jetën dje aksidentalisht.
Një i ri rreth moshës 25 vjeçar (1990), derisa po punonte në një ndërtesë, në rrugën “Salih Çeku”, rreth orës 16: 35 ka rrëshqitur nga skela dhe ka rënë në tokë.
Rastin e ka konfirmuar edhe togeri i policisë Agim Gashi i cili tha se ky punëtor është dërguar në emergjencën e Spitalit të Ferizajt ,por atje vetëm se është konstatuar vdekja pasi ishte shumë vonë për intervenim.
Gashi tha se ende nuk janë të njohura shkaqet se si ka ndodhur aksidenti dhe se Policia është duke e hetuar rastin.
