Mjekë kujdestarë të QKUK-së në Prishtinë, kanë njoftuar se ka ndërruar jetë, A.A. (51 vjeç) nga Gremja e Ferizajt, i aksidentuar më 17.04.2016 në afërsi të fshatit Brod të Shtërpcës.
Rasti kishte ndodhr në aksin rrugor, Ferizaj – Shtërpcë. Sipas raporeve policore, ngasësi, tashmë i ndjeri (A.A), duke mos e përshtatur vozitjen me kushtet e rrugës, e kishte humbur kontrollin mbi automjetin e tij dhe ishte rrotulluar. Fillimisht, ngasësit i është dhënë nidhma mjekësore në spitalin e Ferizajt, për tu dërguar pastaj në QKUK në Prishtinë, ku edhe ka ndërruar jetë dje më 26.04.2016.
Me urdhër të prokurorit të shtetit, trupi i të ndjerit, është dërguar për obduksion në Institutin e Mjekësisë Ligjore, ndërsa me rastin po merret Sektori i Hetimeve të Aksidenteve të Trafikut Rajonal.