Sot, shënohet 41 vjetori i Pranverës Shqiptare, demonstratave të 3 prillit të vitit 1981 në Ferizaj, të cilat ishin vazhdimësi e jehonës dhe rezistencës së demonstratave fillestare të 11 marsit, që manifestonte shprehjen dhe kërkesën për realizimin e çështjes kombëtare shqiptare.
Në Ferizaj qe demonstruar fuqishëm për të drejtat e shqiptarëve me kërkesën për Republikën e Kosovës, në përleshje me forcat e atëhershme policore, ranë heroikisht dëshmorët e kombit, Rizah Matoshi dhe Sherif Frangu.
Demonstratat e vitit 1981 janë ngjarje e lavdishme e rezistencës së popullit të Kosovës, rezistenca e shqiptarëve nuk u ndal asnjëherë, kulmuan me luftën e UÇK-së deri në çlirimin e vendit tonë dhe realizimin e lirisë dhe pavarësisë së Kosovës.
