Në këtë video do të shihni momentin kur një katërvjeçare merr lajmin se presidenti i Shteteve të Bashkuara të Amerikës Barak Obama, së shpejti do të largohet nga kjo detyrë.
Lajmi i erdhi si një goditje vogëlushes Abella Tomlin, nga Beaverton, Oregon. Ajo ishte në makinë me mamanë, e teksa dëgjonin fjalimin e Obamës në Konventën Kombëtare të Demokratëve, e ëma i tha se presidenti aktual do të lërë postin së shpejti.
“Më mungon Obama”, ka thënë vogëlushja kur mami Andrea e pyeti se pse ndihej keq. “Abella është fanse e presidentit aktual që ditën e parë. Ajo është rritur me idenë e heroit të vendit dhe gjithmonë e ka shprehur se sa shumë e do atë. Ishim duke dëgjua konventën kur ajo më pyeti se për çfarë po flisnin”, shpjegoi Andrea.
Më pas e ëma shtoi: “Kështu i shpjegove se vendi po bëhet gati për zgjedhjet e presidentit të ri. Menjëherë asaj i ranë lotët dhe më tha se Barak Obama është presidenti jonë. Ajo më pyeti se si mund të kemi një president të ri kur e kemi një të tillë”.
