![Mimoza Kusari Lila e Behgjet Pacolli kur ishin bashkë në fushatë zgjedhjesh](http://lajmi.net/wp-content/uploads/2016/05/Mimoza-Kusari-Lila-e-Behgjet-Pacolli-kur-ishin-bashkë-në-fushatë-zgjedhjesh-300x190.jpg)
Kusari-Lila ka thënë se largimi nga AKR-ja ka ardhur për shkak të pamundësisë së kësaj partie për ta kaluar pragun zgjedhor, dhe për shkak të mosmarrëveshjeve me këshillin drejtues të kësaj partie.
Kryetarja e Gjakovës ka treguar se për ta bindur për të qëndruar në partinë e tij, shefi i AKR-së, Behgjet Pacolli, i ka ofruar pozitën e udhëheqëses së AKR-së, por që pas mbledhjeve të mbajtura nga këshilli drejtues, pa praninë e saj, ai ka ndryshuar qëndrim.
Sipas saj, gjatë tentimit të AKR-së për t’u ristrukturuar, kjo parti ka vepruar njëjtë, dhe kjo nuk mund t’i sillte rezultate ndryshe.
Kryetarja e Gjakovës në “Komiteti” ka thënë se nuk është penduar që ka qenë pjesë e kësaj partie, por se koha e qëndrimit të saj në AKR kishte skaduar.
.