Juventus dëshiron t’ia ofrojë mesfushorit yllit të tyre Paul Pogba një kontratë të re në mënyrë që ta sigurojë lojtarin për afat të gjatë, raportojnë mediat italiane.
Talenti francez është lojtari më i kërkuar në Evropë. Por, kampionët e Italisë duan që edhe shumë vite ta mbajnë 23 vjeçarin, i cili po shkëlqen këtë sezon të garave me skuadrën italiane.
Pogba me Juvë ka kontratë deri në vitin 2019, dhe fiton 6 milionë euro në vit, por raportohet se “Zonja e Vjetër”, është duke përgatitur kontratën e re, e cila thuhet se do të jetë joshëse për reprezentuesin e Francës.
