I
Ndonëse nesër sheshet e Prishtinës do të gumëzhijnë prej mysafirëve ndërkombëtarë dhe forcave të sigurisë, në sheshin “Zahir Pajaziti” është planifikuar të vendoset edhe një ekran i madh, ku qytetarët do të mund të ndjekin drejtpërdrejtë ceremoninë e inaugurimit të Presidentit të Republikës së Kosovës, Hashim Thaçi.
Duke filluar nga ora 11:00, qytetarët përmes këtij monitori të madh të vendosur afër hotelit “Grand” do të mund ta ndjekin pranim-dorëzimin e detyrës së Presidentit të Republikës së Kosovës, të pasuar nga fjalimi inaugurues i presidentit Thaçi dhe ceremonia solemne e inaugurimit në sheshin “Skënderbeu”.
Vendosja e këtij monitori për qytetarë është konfirmuar edhe nga Këshilli Organizativ i ceremonisë së inaugurimit. /KosovaPress/
