Mbrëmë ka vdekur nga koronavirusi në moshën 34-vjeçare, zyrtari i Komunës së Shtimes, Afrim Tafa.
Lajmin e ka konfirmuar kryetari i komunës, Naim Ismajli. Ai ka treguar se Tafa ishte i prekur me COVID-19.
“Me pikëllim të thellë mora lajmin për vdekjen e bashkëpunëtorit dhe kolegut Afrim Tafa, i cili si pasojë e virusit COVID-19 sot ndërroi jetë”, ka shkruar Ismajli në Facebook.
“Këto ditë vazhdimisht kisha kontakte përmes telefonit me personelin mjekësor dhe familjarët e tij. Shpresoja që Afrim djali, si e quaja unë, do të përballonte këtë sfidë. Por ja që afrimi nuk ia doli dhe na mërziti shumë. Ishte i ri, një djalë me shumë urtësi e energji për jetën i duhej akoma familjes, shoqërisë dhe vendit”.
Në emër të Komunbës së Shtimes, Ismajli ka shprehur ngushëllime për familjen e Tafës.
