Në Reçak, 21 vite më parë, forcat policore dhe ushtarake serbe kryen njërën nga masakrat më të tmerrshme dhe më mizore kundër njerëzve të pambrojtur, masakra e Reçakut paraqet dëshminë më faktike të politikës së planifikuar dhe të organizuar zyrtare serbe për krimet e kryera.
Mëngjesi i kobshëm i 15 janarit të masakrës së Reçakut, vërtetë e pati tronditur bashkësinë ndërkombëtare, duke e vë në veprim konkret mbarë opinionin demokratik e liridashës botëror.
Gjithmonë do ta vlerësojmë e nderojmë kontributin tejet të çmuar të ambasadorit Wiliam Walker dhe veçanërisht i vuri në lëvizje SHBA-të, duke sensibilizuar dhe trajtuar çështjen e Kosovës. Serbia të marr përgjegjësinë e duhur, të ndëshkohet dhe kryesit të dalin para drejtësisë, për krimet e shumta dhe gjenocidin e forcave policore dhe ushtarake serbe të ushtruara ndaj shqiptarëve që nga vitet e 90-ta.
Nderim, kujtim, vlerësim dhe respekt i përjetshëm për gjithë martirët e atij krimi barbar, dëshmorët e kombit dhe luftës së drejtë e heroike të UÇK-së!, ka shkruar deputeti Elmi Reçica, me rastin e shënimit të 21 vjetorit të Masakrës së Reçakut.
