KALLXO.com ka xhiruar pjesëtarët e Policisë së Kosovës duke bërë rojë në shtëpinë e policit Shefqet Kamberaj i cili qëlloi për vdekje dje Ilmi Lufajn në Deçan.
Prokurori Haxhi Sinani në seancën e sotme për caktimin e masës së sigurisë ndaj policit Shefqet Kamberaj ka thënë se policia duhet t’i ofrojë siguri 24 orë familjes së policit.
KALLXO.com në orët e pasdites ka parë se para shtëpisë së policit në Lëbushë të Deçanit ka qëndruar një veturë e policisë me disa policë brenda duke bërë rojë.
Policia e Kosovës nuk ka dashur të komentojë për masat e sigurisë te familja e kolegut të tyre të arrestuar.
