Me rastin e 20 Vjetorit të Betejës së Koshares, në nderim të Dëshmorëve të Kombit, Shoqata bjeshkatare dhe Alpiniste “Lybeteni” ka bërë ecje të organizuar deri te maja Rrasa e Zogut.
Kjo ecje u organizua në një shteg me gjatësi rreth 24 kilometra, nga Varrezat e Dëshmorëve e deri te maja “Rrasa e Zogut” me një lartësi mbidetare prej 2305 metra.
Mbi 50 pjesëmarrës morën pjesë në këtë organizim nga të cilët rreth 40 prej tyre arritën në majën e synuar.
“Faleminderit të gjithë atyre që na nderuan me pjesëmarrjen e tyre. Lavdi dëshmorëve të Kombit” ka thënë Hasan Hetemi, kryetar i shoqatës Lybeteni.
