Këtë të martë, Kryesuesja e Kuvendit të Komunës së Ferizajt, Kristina Gashi-Bytyqi, ka ftuar anëtaret e Komitetit për Politikë dhe Financa me ç’rast kanë mbajtur mbledhjen e tretë të këtij komiteti.
Në këtë mbledhje drejtori i Pronës, Gjeodezisë dhe Kadastrit Sabri Murseli, para anëtareve të KPF-së ka bërë propozim-vendimin për shpalljen e interesit të përgjithshëm të pjesës së ngastrës kadastrale 400-0 për ndërtimin e shkollës fillore në Talinovc të Muhaxherëve.
Drejtori Murseli ka bërë edhe propozim-vendimin për shpalljen e interesit të përgjithshëm për pjesët e ngastrave kadastrale nr.496-3, 499-0,500-1 dhe 500-2 të zonës kadastrale në Ferizaj.
Këto dy propozime të drejtorit Murseli, morën dritën jeshile për të diskutuar në mbledhjen e Kuvendit të Komunës.
Ndërkaq drejtorja e Financave Sebahate Ajeti-Sadiku, ka prezantuar raportin financiar për periudhën janar-mars 2020, si dhe raportin e punës për vitin 2019.
Mbledhja e Kuvendit të Komunës do të mbahet të premten duke filluar nga ora 10:00 dhe do të mbahet ne teatrin e qytetit “Adriana Abdullahu” në Ferizajt.
