Gjykata Themelore në Prishtinë ka njoftuar se sot pas përfundimit të orarit të punës është ndaluar dhe kërcënuar gjyqtari i Departamentit për Çështje Penale z. Agim Kuqi nga i dyshuari Y.D i cili është i pandehur në një rast penal ku z. Kuqi është gjyqtarë i çështjes penale ndaj tij .
“Gjykata Themelore-Prishtinë dënon këtë akt të ulët duke cilësuar si sulm direkt mbi sistemin e drejtësisë”, thuhet në komunikatën e Gjykatës.
Gjykata ka ftuar organet përgjegjëse që të marrin masat e duhura ndërsa vet Gjykata ka thënë se opinioni publik duhet të sigurohet se ky rast nuk do të ndikojë në punën e gjyqtarëve të kësaj Gjykate të cilët do të vazhdojnë të marrin vendime të drejta duke respektuar ligjin dhe duke i shërbyer drejtësisë.
