Komuna e Ferizajt, konkretisht Drejtoria e Shërbimeve Publike, po i kushton rëndësi shumë të madhe menaxhimit të mbeturinave.
Për këtë qëllim gjatë këtyre ditëve janë duke u vendosur 60 kontejnerë të rijnë 1.1 m3 te shpërndara në 30 pika të ndryshme në qytet, ku secili prej tyre ka edhe numrin rendor se ku është vendosur.
Sipas drejtorit të Drejtorisë së Shërbimeve Publike dhe Emergjencës, Arben Halili, kjo është bërë në kuadër të përmbushjes së obligimeve të dalura nga Rregullorja për menaxhimin e mbeturinave, ku është votuar ditë me parë në Kuvendin e Komunës.
E gjithë kjo po bëhet për të pasur një ambient sa më të pastër për të gjithë qytetarët ferizajas.
