Që nga marsi kur u përhap edhe në vendin tonë Covid-19, ka marrë mbi 400 jetë, ndërsa gushti ishte muaj tragjik për familjen Ymeri nga Sllatina e Epërme e Vitisë, të cilëve nga ky virus i vdiqën tre vëllezër.
Tre vëllezërit F.Y, M.Y, dhe B. Y kanë vdekur brenda një muaji, pasi nuk kanë arritur të shërohen pas infektimit nga coronavirusi.
Lajmin për këtë e ka bërë publik deputeti i Kuvendit nga radhët e LVV-së Hekuran Murati, e i cili i kishte kushërinj.
“ Virusi tashmë është kthyer në tragjedi për shumë familje. Sepse viktimat nuk janë vetëm statistika, por janë persona me emër e mbiemër, familjarë e prindër të dikujt:, ka shkruar mes tjerash Murati.
