Mëngjesin e sotëm, drejtori i Drejtorisë së Bujqësisë dhe Pylltarisë bashkë me zyrtarët e kësaj drejtorie, bënë shpërndarjen e 400 koshereve të bletëve, të standardeve më të avancuara, për 131 përfitues të tyre, prej tyre 5 koshere për Shkollën e Agrobiznesit “Zenel Hajdini” në Ferizaj.
Janë këto subvencionet e vazhdueshme, si asnjëherë më parë që po shpërndahen nga Drejtoria e Bujqësisë dhe Pylltarisë, e të cilat po përmirësojnë dukshëm mirëqenien e bujqve e fermerëve ferizajas, përmes mekanizmave bujqësor, subvencionimit me kultura bujqësore e të tjera për të cilat po përfitojnë bujqit e fermerët ferizajas.
Drejtori i Bujqësisë dhe Pylltarisë, Burim Bajrami tha se ky aksion, tashmë është bërë i shpeshtë me të vetmin qëllim rritjen e përkrahjes për veprimtarinë e bletarisë, një numër të madh të kultivuesve të së cilës ka Ferizaj.
