Rinia Demokratike e Kosovës – dega në Ferizaj, nuk i mbështet dhe i kundërshton kategorikisht veprimet e tilla të dhunshme në sheshin e qytetit. Sulmi që i është bërë sot gruas nga komuniteti rom është një akt i cili nuk e pasqyron gjendjen e rinisë së qytetit tonë. Synimi kryesor i shoqërisë sonë duhet të jetë parandalimi i paragjykimeve, diskriminimeve, kërcënimeve dhe formësimi i një rinie tolerante, e gatshme për të ndihmuar dhe në asnjë rast nuk duhet të veproj në mënyrë impulsive, por situata të tilla të lihen në duar të institucioneve kompetente.
Është e papranueshme lehtësia e linçimit të fushatave të tilla, të cilat mundet të perfundojnë në mënyrë tragjike, duke e rrezikuar jetën e çdo qytetari.
Është e papranueshme se si informacioni i pa verifikuar ka zënë vend në shumë rrjete sociale,portale dhe media të ndryshme, duke u mobilizuar dhe duke bërë akuza të pavërteta.
Rinia Demokratike e Kosovës, dega në Ferizaj, kërkon nga organet e rendit që të dënohen veprimet e tilla dhe të shkohet deri në fund në zbulimin e burimit të kësaj fushate e cila ka mundur të jetë fatale për gruan nga komuniteti rom, thuhet në një komunikatë lëshuar nga RDK, dega në Ferizaj.
