Një person ka sulmuar dy zyrtarë të Policisë së Kosovës, pasi i dyshuari ka refuzuar të vihet në pranga.
Një qytetar ka sulmuar dy policë të dielën në Ferizaj, ndërsa njëri prej policëve ka pësuar lëndime trupore.
Siç ka njoftuar Policia e Kosovës, nëpërmjet raportit 24-orësh, rasti ka ndodhur rreth orës 18:30.
“I dyshuari mashkull K-Shqiptar duke mos i respektuar urdhëratë e zyrtarëve policorë dhe duke refuzuar vendosjen e prangave, i ka sulmuar fizikisht dy zyrtarë policorë, njëherit e ka dëmtuar edhe derën e një zyre në objektin e stacionit policor”, thuhet në raportin e Policisë.
Ndër të tjera, në njoftimin e policisë thuhet se njëri nga viktimat ka pranuar tretman mjekësor, ndërsa i dyshuari me vendim të prokurorit, është dërguar në vuajtje të dënimit, pasi ka urdhërarrest të lëshuar nga gjykata.
Ndërkaq, sipas njoftimit të policisë, rasti vazhdon të hetohet.
