Paraburgim ndaj shtatë (7) të dyshuarve për veprat penale të narkotikëve

Ferizaj – 12 shkurt 2019 – Gjykata Themelore në Ferizaj, Departamenti për Krime të Rënda, ka aprovuar kërkesën e Prokurorisë Themelore të Ferizajt, për caktimin e masës së paraburgimit ndaj të pandehurit B.S; G.K; Xh.S; H.B shtetas të Republikës së Kosovës dhe J.B; F.B; F.B.1.
shtetas të Republikës së Maqedonisë. për shkak të dyshimit të bazuar se kanë kryer veprën penale blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge, përcaktuar me nenin 273 lidhur me nenin 281 të Kodit Penal të
Republikës së Kosovës.
Të pandehurit dyshohet se më 10.02.2019, në fshatrat Papaz dhe Pojatë – Komuna e Ferizajt, pas informacioneve përmes rrugëve operative të Policisë së Kosovës, gjatë ndjekjes së një veture të dyshimtë, e cila është dyshuar se ka ngarkesë me lëndë narkotike, e njëjta është mbajtur nën
vëzhgim, më pas vetura e njëjtë është larguar nga vendi i ngjarjes dhe pas informacioneve që të pandehurit kanë vepruar si anëtar të grupit të organizuar, Policia e Kosovës – Sektori Anti – Drogë, pas kontrollimit të dy lokacioneve, ka gjetur substancë të dyshuar të llojit marihuanë në
sasi prej 209 kg e 202 gr, e cila ka pasur për qëllim shitjen, shpërndarjet dhe transportin jashtë shtetit të Kosovës. Sasia e llojit marihuanë është konfiskuar ndërsa gjyqtarja e procedurës paraprake e Gjykatës Themelore në Ferizaj, Hysnije Gashi, ka caktuar masën e paraburgimit në
kohëzgjatje prej një (1) muaj ndaj të dyshuarve.