Ferizaj. 27.Nëntor 2019
Nismave për të ndihmuar familjet e prekura nga tërmeti në Shqipëri i janë bashkuar edhe nxënësit e shkollës “Elena Gjika” në Ferizaj.
Nxënësit e kësaj shkolle kanë mbledhur afër 700 euro, derisa dërgojnë mesazhin se, “askush nuk është varfëruar duke dhënë”,
“Në shenjë respekti dhe solidariteti, për tragjedinë e cila ndodhi në Shqipëri, shkolla jonë “Elena Gjika” për një kohë shumë të shkurtër grumbulloi të holla në vlerë 680 euro, e cila ishte iniciativë e Këshillit të nxënësve e përkrahur nga stafi i shkollës, të cilët shprehën dëshirën dhe vullnetin e madh human që sado pak të ju dalin në ndihmë familje të prekura nga tërmeti. Askush nuk është varfëruar duke dhënë”, kanë thënë ata.
Kujtojmë se nga tërmetet që ndodhën dje në Shqipëri kanë mbetur të vdekur 30 persona e qindra të tjerë janë lënduar.
