Nga nesër (12.06.2020) deri më 30.06 2020, duke filluar nga ora 10:00, do të mbyllet përkohësisht qarkullimi i trafikut për të gjitha mjetet motorike në një segment të rrugës Ferizaj-Gërlicë.
Mbyllja e rrugës për qarkullim do të bëhet në segmentin prej kryqëzimit të kësaj rruge me rrugën “Elektroheta” dhe “Krosa” e deri të kryqëzimi i rrugës “Qiraxhiu”
Rrugët alternative të cilat mund të përdoren për qarkullim të mjeteve motorike duke filluar nga data 12.06.2020 deri më datë 30.06.2020 janë:
- Rruga “Qiraxhiu”- dalja në rrugën nacionale (N2) Ferizaj-Shkup
- Rruga “Berisha” – nëpërmjet fshatit Nekodim në hyrje të fshatit Varosh dhe Gërlicë.
Rrugët alternative nga drejtimi i fshatit Gërlicë janë:
- Rruga “Elektroheta” – dalja në rrugën nacionale (N2) ferizaj-Shkup
- Rruga “Krosa” –nëpërmjet fshatit Varosh,hyrje në fshatin Nekodim dhe Qendër
Arsyeja e kësaj ndërprerje të përkohshme e qarkullimit në trafik në këtë segment rrugor do të bëhet nga konzorciumi i operatorëve ekonomik “Best Company” & “Beni Com” kanë filluar punimet në implementimin e projektit “Ndërtimi i nënkalimit në fshatin Varosh”
Komuna e Ferizajt ka kërkuar mirëkuptim nga qytetarët dhe ka lutur qytetarët që gjatë kësaj kohe të shfrytëzojnë rrugët alternative për qarkullim.
