Nesër në Ferizaj shënohet 28 Shtatori- Dita e Dëshmorëve të Komunës së Ferizajt
Për të shënuar këtë ditë OVL e UÇK-së dega Ferizaj ka organizuar disa aktivitete. Gjatë ditës së sotme është organizuar “Ecje e lirë” nga Shoqëria Bjeshkatare Alpiniste “Lybeteni” dhe DKRS – Sektori i Rinisë – Ferizaj. Ndësra për nesër aktivitetet fillojnë që në orët e hershme të mëngjesit me maratonë vrapimi, për të vazhduar me homazhe te varrezat e Dëshmorëve të Kombit dhe në fund Përurimi i Pikës 6 – Jezerc – faza I-rë në kuadër të Parkut memorial të UÇK-së në Jezerc
Ky është njoftimi i OVL e UÇK-së dega Ferizaj
Të nderuar familjarë të Dëshmorëve të Kombit, Invalidë dhe Veteranë të UÇK-së, të nderuar bashkëqytetarë/e, jeni të ftuar në të gjitha aktivitetet e organizuara si më poshtë, organizime këto në nder të Ditës së Dëshmorëve të UÇK-së Komuna e Ferizajt, përkatësisht përvjetorit të 22-të të Epopesë së Jezercit:
27.09.2020 – e Diele
08:00 – Sheshi i qytetit “Adem Jashari” – Ecje e lirë – organizuar nga Shoqëria Bjeshkatare Alpiniste “Lybeteni” dhe DKRS – Sektori i Rinisë – Ferizaj.
28.09.2020 – e Hëne
05:00 – Varrezat e Dëshmorëve të Kombit – Ferizaj – maratona e vrapimit 42 km – organizuar nga OVL – UÇK-së dega Ferizaj – pjesëmarrës veteranët dhe ushtarët e FSK-së;
10:00 – Homazhe në varrezat e Dëshmorëve të Kombit – Ferizaj;
11:30 – Përurimi i Pikës 6 – Jezerc – faza I-rë në kuadër të Parkut memorial të UÇK-së – Jezerc.
Ardhja juaj nderon gjakun, veprën dhe sakrificën e Dëshmorëve për Liri.
Lavdi jetës dhe veprës së Dëshmorëve të Kombit!
