Nesër (e Diel, 07 Qershor 2020) do të bëhet ndërprerja e qarkullimit në trafik nga ora 07:00 deri ora 20:00 për të gjitha mjetet motorike në rrugën urbane “Dëshmorët e Kombit” në Ferizaj.
Kjo ndërprerje do të bëhet në segmentin e rrugës prej kryqëzimit të kësaj rruge me rrugën “Agim Matoshi” deri te kryqëzimi “Dëshmorët e Kombit” me rrugën “Hamëz Jashari” në Ferizaj.
Rrugët alternative të cilat mund të përdoren për qarkullim të mjeteve motorike duke filluar nga ora 07:00 deri ora 20 janë rrugët “Hamëz Jashari”, rruga urbane “Bob Doll” e cila ka dalje në rrugën “12 Qershori”.
Arsyeja e kësaj ndërprerje të përkohshme e qarkullimit të mjeteve në trafik në këtë segment rrugor do të bëhet me kërkesë të operatorit ekonomik i cili ka filluar rikonstruktimin e trotuareve në këtë segment rrugor.
