Nënkryetari i Ferizajt, Arton Gavazi takoi sot komandantin dhe zv.komandanten e njësisë LMT- të KFOR-it amerikan.
Ky takim i pari pas ndërrimit të komandës, shërbeu fillimisht për njohjen me situatën epidemiologjike në Ferizaj, menaxhimin e saj si dhe gjendjen e përgjithshme të sigurisë.
Nënkryetari Gavazi dha një pasqyrë të gjendjes në dy plane, atë të shëndetit publik dhe të sigurisë. Ai tha se autoritetet janë në krye të detyrës për mirëmenaxhimin e situatës.
Mysafirët nga KFOR-i amerikan shprehën vullnetin e tyre për të ndihmuar autoritetet në këtë drejtim si dhe intensifikimin e bashkëpunimit në dobi të shëndetit publik.
