Në ditën e parë të muajit të Shenjtë të Ramazanit janë ndihmuar 200 familje në nevojë me pako ushqimore, produkte të mishit e produkte higjienike.
Këtë e ka bërë të ditur i pari i Ferizajt Agim Aliu në faqen e tij zyrtare.
“200 familje në nevojë ndihmuam sot me pako ushqimore, produkte të mishit e produkte higjienike, në ditën e parë të Muajit të Shenjtë të Ramazanit.
Afro 3000 familje u ndihmuan e do të ndihmohen gjatë pandemisë me pako ushqimore e higjienike, derisa të rimëkëmbemi e ta flakim përfundimisht nga këtu, armikun e padukshëm. Me solidaritet, dashuri e ndjeshmëri për çdo bashkëqytetarë, ia dalim në çdo vështirësi” ka shkruar kryetari i Ferizajt Agim Aliu.
