Me dhembje e pikëllim të thellë, morëm lajmin se u nda nga jeta profesori shumëvjeçar, veprimtari politik, ish drejtori i Gjimnazit të Shkencave Shoqërore-Gjuhësore “Dr. Shaban Hashani”, bashkëqytetari ynë, Fejzi Mustafa.
Janë të rënda e pikëlluese ndarjet nga miqtë e të njohurit. Profesor Fejziun e njohëm e bashkë punuam në periudha të ndryshme të ecjes përpara të arsimit shqip, andaj lamtumira e tij nga bota e të gjallëve, lë zbrazëtira të panumërta tek ne, miqtë e tij.
Lamtumirë profesor Fejzi!
Lamtumirë bashkëqytetari ynë që gjithë jetën i kushtove arsimit, atdhedashurisë.
Ngushëllime familjes Mustafa, kolegëve të të ndjerit në arsim, miqve e të njohurve të të ndjerit.
I qoftë i lehtë dheu i Kosovës!
