Ferizaj.28.01.2018. Këtë të diele në Ferizaj është mbajtur turneu i parë memorial në shah “Kadri Ahmeti.
Në këtë turne morën pjesë shahistët më të mirë nga të gjitha trojet shqiptare.
Pas nëntë xhirove të zhvilluara në këtë turne vendin e parë e zuri Nderim Saraqi, kampion i shumëfishtë i Kosovës. Në vendin e dytë u radhit Landi Pasko , kampion i Shqipërisë. Ndërsa në vendin e tretë u radhit I riu ferizajas Endrit Uruqi, nënkampioni aktual i Kosovës.
Pesë vendet e para u shpërblyen me të holla dhe medalje.
Në këtë turne u shpërblyen edhe veterani më i suksesshëm, pjesëmarrësja femër dhe juniori më i suksesshëm.
Hapjen e turneut e bëri nënkryetari i Komunës së Ferizajt ,Naim Ferati.
