Vullneti i mirë i donatorëve po jep rezultate në kuptimin e bashkëpunimit me Komunën e Ferizajt. I tillë ishte sot pritja që i bënë Kryesuesja e Kuvendit të Komunës, Kristina Gashi Bytyçi dhe drejtori i Drejtorisë së Arsimit, Afrim Llabjani, përfaqësuesit të gjigantit biznesor, Bechtel-Enka, z. Latfi Renda, të cilët kishin vendosur t’i dhurojnë për shkollat e Ferizajt, 20 kompjuter.
Falënderues për këtë donacion u shprehën si Kryesuesja Bytyçi ashtu edhe drejtori Llabjani, duke vënë theksin tek intensifikimi i bashkëpunimit me kompaninë Bechtel Enka në dobi të projekteve të ndryshme komunitare.
