Avancimi i bashkëpunimit me organizatat e shoqërisë civile që kanë për qëllim fuqizimin e rolit të gruas në shoqëri është qëllim i qeverisjes lokale. Me këtë motiv, sot i pari i Ferizajt, Agim Aliu bashkë me Kryesuesen e Kuvendit të Komunës, Kristina Gashi Bytyçi takuan drejtuesit e organizatës “Women 4 women” bashkë me menaxheret e projekteve “Mundësitë e përmirësuara për vetpunësum dhe punësim” dhe “She Has Right”.
Ilirjana Jaka Gashi nga kjo organizatë bëri të ditura synimet që ka ky projekt në jetësimin e nismave komunitare edhe në qytetin tonë.
E nikoqiri, Kryetari i Ferizajt, Agim Aliu bashkë me Kryesuesen Bytyçi, pasi që i njoftuan mysafiret me nismat lokale në këtë drejtim, i siguran mbështetjen e parezervë të organeve komunale, aktiviteteve për këtë projekt.
Këto projekte që synojnë të realizohen në qytetin tonë kanë për qëllim përmirësimin e pozitës së gruas veçanërisht në ekonomi, pjesëmarrje në vendimmarrje si dhe rritjen e nismave avokuese përmes organizimit të punëtorive për këtë qëllim.
